Müasir dövrümüzün avtomobilləri davamlı təkmilləşir və bunun bərabərində yüksək texnologiyalı elektron sistemlərlə təchiz edilir. Elektron sistemlər avtomobilin mühərrik işini optimallaşdırmaqdan tutmuş təhlükəsizlik xüsusiyyətlərini təmin etməyə və sürücülük təcrübəsini artırmağa qədər bir sıra funksiyaları yerinə yetirir. Qısacası, onlar mexaniki sistemləri əvəz edir və sürücüləri daha səmərəli və etibarlı işləyən maşınla təmin edir.
Elektron sistemlər avtomobilin əsas funksiyalarını idarə etmək üçün sensorlar və aktuatorlar dəstindən ibarətdir. Mühərrikin işinə nəzarət edən və idarə edən mühərrik idarəetmə bloku (ECU), əyləc sisteminin kilidlənməyə qarşı xüsusiyyətlərini təmin edən ABS idarəetmə bloku, dartma nəzarətini təmin edən dartma idarəetmə bloku və bir çox digər alt sistemlər mövcuddur.
Bir çox üstünlərə malik bu sistemlər sıradan çıxdıqda ənənəvi diaqnostika üsullar qeyri-kafi olur. Avtomobilin elektron sistemi bir sıra sensorlar və kompüterlər tərəfindən idarə edildiyi üçün nasazlıqların diaqnostikası və təmiri üçün xüsusi kompüter alətləri tələb olunur. Buna görə də, elektron sistemlərin dəqiq diaqnostikası və problemlərin həlli kampüter diaqnostikası təcrübəsinə malik avtoservislə çaləşmaq məsləhətdir.
Gəlin avtomobillərin elektron sistemlərinin kompüter diaqnostika prosesi necə olmalıdır və prosesin gedişatı ilə ətraflı tanış olaq:
Kompleks diaqnostika imkanları
Yaxşı kompüter diaqnostika sistemi avtomobilin bütün elektron sistemlərini əhatə edən geniş diaqnostik imkanlara malik olmalıdır. O, mühərrik, transmissiya, əyləclər, asma, emissiyalara nəzarət və s. kimi bütün kritik sistemləri əhatə edəcək şəkildə tərtib edilməlidir. Bu, avtomobildə yaranan hər hansı problemlərin dəqiq müəyyən edilməsini və diaqnoz qoyulmasını təmin edir.
Dəqiqlik və incəlik
Kompüter diaqnostika sistemləri avtomobildəki problemi qısa müddətdə və dəqiq şəkildə aşkar etməlidir. Eyni zamanda diaqnostikanı edən mütəxəssis incə detallara xüsusilə diqqət yetirməyi bacarmalıdır. Çünki dəqiqlik və incəlik avtomobilin təhlükəsizliyi və performansı üçün vacibdir. Yanlış diaqnoz hissələrin lazımsız dəyişdirilməsinə və xərclərin artmasına səbəb ola bilər.
Cari verilənlər bazası və proqram təminatı
Avtomobil sənayesi daim inkişaf edir və yeni avtomobil modelləri, yaxud da mövcud modellərin yeniləmələri buraxılır. Buna görə də effektiv kompüter diaqnostikası sistemi müasir avtomobil məlumat bazalarına və proqram təminatına malik olmalıdır. Çünki köhnə avtomobil modelləri ilə yanaşı, yeni avtomobil modellərinə də uyğunlaşa bilən sistemə ehtiyac var və bu ehtiyacı qarşılmayan servislər avtomobili yanlış təmir edə bilərlər.
İstifadəçi dostu interfeys
Kompüter diaqnostik sistemləri müxtəlif bacarıq səviyyələrində olan istifadəçilər, o cümlədən mexanik olmayan şəxslər tərəfindən asanlıqla istifadə edilə bilər.İstifadəçi dostu interfeys və aydın təlimatlar problemlərin aradan qaldırılması və təmir prosesini sürətləndirə və sadələşdirməklə vaxt itkisinin qarşısını alacaq.
Real vaxtda məlumat oxunuşları
Kompüter diaqnostik sistemləri avtomobildəki sensorlardan məlumatları real vaxt rejimində, yəni diaqnostika anı oxuya bilməlidir. Bu, avtomobilin performansındakı dəyişiklikləri tez aşkar etməyə və problemləri həll etməyə imkan verir.
Bu elementləri birləşdirərək kompüter diaqnostikasını dəqiqliklə qiymətləndirmək olar. Avtomobil elektron sistemlərinin kompüter diaqnostikası sürücülərin təhlükəsizliyində və nəqliyyat vasitəsinin performansında mühüm rol oynayır. Ona görə də diaqostika prosesini lazımi cihazlarla təchiz olunmur və peşəkar müxətəssislərin olduğu avtoservisdə etməyiniz önəmlidir. “Azertech” avtoservis mərkəzində istənilən sistemdə olan avtomobillərin diaqnostikasını həyata keçirən son model kompüter sistemləri mövcuddur. Maşınlarınızı bizə etibar etməklə nəqliyyat vasitələrinizin rahat və təhlükəsiz işləməsini təmin edə bilərsiniz.